Ուղղորդիչ:  Առաջին մակարդակ Վեբ տարբերակ

ՀԾ-Հաշվապահ վեբ տարբերակը նախատեսված է համակարգի ամպային տարբերակն օգտագործողների համար: Այն հնարավորություն է տալիս օնլայն միանալ ամպային տվյալների պահոցներին և դիտել տվյալներ: Տարբերակը հասանելի է accountant.armsoft.am հասցեով:

 

Գլխավոր էջում առանձնացված է 4 հիմնական բաժին.

 

•Հաշվապահություն բաժնում կարելի է հետևել հաշիվների մնացորդներին, դիտել հաշիվների շրջանառությունը, գործառնություններն ու հաշվային պլանը:

•Գործընկերներ բաժնում հնարավորություն է տրված հետևել գործընկերների մնացորդներին և շարժին:  

•Նյութական արժեքներ բաժնում կարելի է դիտել դրանց մնացորդը, վերլուծել շարժը:

•Աշխատավարձ բաժնում կարելի է դիտել աշխատակիցների տեղեկատուն, ինչպես նաև կանչել հաշվարկային թերթիկ:

•Ընդհանրացված փաստաթղթերի մատյան  բաժնում կարելի է դիտել Տվյալների պահոցում առկա բոլոր փաստաթղթերը:

 

Գլխավոր էջի աջ հատվածում ցուցադրվում են օգտագործողն ու կազմակերպության անվանումը: Սեղմելով այդ տվյալներից որևէ մեկի վրա բացում է հետևյալ պատուհանը.
 

 

Ընտրել տվյալների պահոցը հրամանով կարելի է մուտք գործել այլ տվյալների պահոց` առանց օգտագործողի մուտքագրման տվյալները նորից լրացնելու:

Լեզու ցանկից կարելի է փոխել լեզուն` ընտրելով Հայերեն կամ Անգլերեն տարբերակները:

Ելք հրամանով օգտագործողը ելքագրվում է տվյալների պահոցից: